ನಿನಗಿಂದು ಮೂರು

ತುಂಬಿತು ನಿನಗಿಂದು ಮೂರು,

ಕೂಂಚ ಶುರುವಾಗಿದೆ ನಿನ್ನ ಕಾರುಬಾರು |

ಚೆಂದ ನಿನ್ನ ಮುಗಿಯದ ಮಾತು,

ಅಂದ ನಿನ್ನ ಹೊಸ ಹೊಸ ನಾಟಕ |

ಇರಲಿ ಈ ನಿನ್ನ ನಗೆ- ಹರುಷ ಎಂದೆಂದೂ,

ಕಂದ, ನೀ ಮಗುವಾಗಿರು ಎಂದೆಂದೂ ||

ಓ ಮಾನಸಿ

ನಿನ್ನ ವೈಖರಿ ತರುತಿದೆ ಮುಖದಿ ಮುಗುಳುನಗೆ
ನಿನ್ನ ನಡೆ-ನುಡಿ-ಆಟ ದಿನ-ದಿನಕೂ ಬಗೆ ಬಗೆ

ಕಣ್ಣೆದುರಿಗೆ ಕಾಣದಿರೆ ನೀ ಒಂದು ಕ್ಷಣ
ಮನದಲ್ಲಿ ನಿನ್ನದೇ ಚಿತ್ರ ಕ್ಷಣ-ಕ್ಷಣ

ಮಲಗಿದಲ್ಲೇ ಈಜುವೆ ನೀ ಕೈ-ಕಾಲು ಬಡಿದು
ತಿರುಗಿ ನೋಡಿ ಕಿರುನಗುವೇ ಸ್ವಲ್ಪ ದೂರ ನಡೆದು

ಬಣ್ಣಿಸಹತ್ತಿದರೆ ಮುಗಿಯುತ ಸಾಗುವುದು ಲೇಖನಿಯಲ್ಲಿನ ಮಸಿ
ಪ್ರತಿ ಸಲವೂ ನೀ ದೂರ ಮಾಡುವೆ ನನ್ನ ಮನದ ಕಸಿವಿಸಿ

ಎಲ್ಲರ ಚಿಂತೆಯ ತಣಿಸಿ
ಹಿರಿಯರ ಪಾದಕೆ ನಮಿಸಿ
ಭವಿಷ್ಯದ ನಕ್ಷೆಯ ನೀನೇ ರೂಪಿಸಿ
ದುಷ್ಟರ ಶಿಕ್ಷಿಸಿ ಶಿಷ್ಟರ ರಕ್ಷಿಸಿ
ಅಂಧಕಾರವ ಅಳಿಸಿ
ಬಿದ್ದವರ ಎಬ್ಬಿಸಿ
ಮುನಿದವರ ಒಪ್ಪಿಸಿ
ದುರ್ನಡತೆಯ ತಪ್ಪಿಸಿ
ಜಗವ ಕಾಯುವವಳಾಗು ನೀ - ಓ ಮಾನಸಿ . . . ಓ ಮಾನಸಿ!

ಇಂದಿನ ಕಲ್ಪನೆ

ದಿನ ದಿನಕೂ ನೀ ಬೆಳೆಯುತಿರುವೆ
ಹೊಸ ಹೊಸ ಆಟಗಳ ನೀ ಆಡುತಿರುವೆ
ಹುಸಿನಗೆಯೊ ಮುಗುಳುನಗೆಯೋ ನೀ ನಗುವೆ
ಹೊಟ್ಟೆ ಹಸಿದರೆ ಮಾತ್ರ ನೀ ಅಳುವೆ

Far from me you play

Far from me you play
Dad, play with me, you say!
and then I wake up from dream
to miss your play, smile, cry and scream!

ಸು...ಸ್ವಾಗತ

ನೋವನುಂಡು ಸುಸ್ತಾದೆ
ಸೋತು ನೀರಾದೆ,
ಕಂದ ನಿನ್ನ
ನಗುವ ಕಂಡು ಬೆರಗಾದೆ
ಸಂತಸದಿ ಕುಣಿದೆ |

ನಿನ್ನ ಹುಟ್ಟು
ಇನ್ನಿಲ್ಲ ಗುಟ್ಟು
ನಿನ್ನ ಅಮ್ಮ ಕಷ್ಟ ಪಟ್ಟು
ಹೆತ್ತಳು ನಿನ್ನ ಪುಟಾಣಿ ಪುಟ್ಟು |

ಒಂಭತ್ತು - ಹತ್ತು : ಎಲೆ ಮುದುಡಿ ಎತ್ತು

ಎಂಟರ ಗಡಿಯ ದಾಟಿದ ಮೇಲೆ
ಸೊಂಟದ ಸುತ್ತಲೂ ಕಾಡಿತು ಸೂಲೆ

ಉಫ್ಫ್ ಉಫ್ಫ್ ಎನುತ ನಡೆಯುವಳು
ನಡೆಯುತ ನಡೆಯುತ ತಡಿಯುವಳು

ತಿರುಗಲು ಬೇಕು ನಾಲ್ಕು ಅಂಗಳ
ಕಂದನ ನೋಡಲು ಬೇಕಿಲ್ಲ ತಿಂಗಳ

ದಿನವು ತುಂಬಲು ಹೆಚ್ಚಿತು ಕಡಿತ
ಮಗುವ ಕಾಣಲು ಹೆಚ್ಚಿತು ತುಡಿತ

ಇಂದಿನ ಬಯಕೆ ಒಂದೇ ನಿನಗೆ
ಕಂದನ ಆಗಮನ  ಸುಗಮವಾಗಲಿ ಕೊನೆಗೆ

ಆರು - ಏಳು , ಬೀಳು - ಏಳು

ಬಂತು ನಿದ್ದೆ ಬಂತು ನಿದ್ದೆ
ನಿದ್ದೆಯಲ್ಲೂ ಹಸಿವೆಯಿಂದ ಎದ್ದೆ
ನೀನು ವದ್ದೆ - ಎದ್ದೆ - ಬಿದ್ದೆ
ನಾ ಮತ್ತೆ ಮಾಡಿದೆ ನಿದ್ದೆ ||

ಸುಸ್ತಾಗುವೆ ತುಸು ಜಾಸ್ತಿ ನಿಂತರೆ
ಬೇಸರಿಸುವೆ ತುಸು ಜಾಸ್ತಿ ಕುಂತರೆ
ಮಲಗಲಾರೆ ತುಸು ಹೊತ್ತು ಮೈಮರೆತು
ಹೇಳಲಾರೆ ಜಾಸ್ತಿ ಇದ ಕುರಿತು ||

ಅಮ್ಮನಿಗೆ ಐದು

ಹಸಿದಿಹಳು ಅಮ್ಮ ನಿನಗಾಗಿ |
ಬಿಡುವಿರದೆ ಒಡನಾಡಿ
ವಿಶ್ರಮಿಸಿಹಳು ಅಲೆದಾಡಿ |
ಅಡಿಗಡಿಗೆ ನಿಲ್ಲುವಳು
ಬೆವರೊರೆಸಿ ನಡಿಯುವಳು |

ಮಧ್ಯರಾತ್ರಿ ಎದ್ದು ಕೂತು
ಆಡುವಳು ನಾಲ್ಕೆಂಟು ಮಾತು |
ಮತ್ತೆ ಮಲಗಿ ಕನಸ ಕಂಡು
ಕನಸಲ್ಲೂ ತುಸು ಉಂಡು |
ಮತ್ತೆ ಹಸಿದಿಹಳು ಅಮ್ಮ ನಿನಗಾಗಿ |

ಉದ್ವೇಗ

ಕಂದ ನೀನಿರುವ ಅನುಭವ
ಮಾಡಿಸಿದೆ ಅಮ್ಮನಿಗೆ ಬಹು ಬೇಗ |
ಆಗಲಿ ನಿನ್ನದು ಎಲ್ಲರ ಮೆಚ್ಚಿಸುವ ಮೃದು ಸ್ವಭಾವ
ದಿನ ಕಳೆದಂತೆ ನಿನ್ನ ಬರುವಿಕೆಗೆ ಎಲ್ಲರಿಗೂ ಉದ್ವೇಗ |

ಕಾತರ

ನಿನ್ನ ಕೋಮಲ ಕೈ ಕಾಲು
ನಿನ್ನ ಮೃದು ತಲೆಯ ಕೂದಲ ಸಾಲು
ಕಲ್ಪಿಸಿಕೊಳ್ಳುತ್ತಿರುವೆ

ನಿನ್ನ ಮಂದ-ಧೃತಗತಿಯ ಚಲನ
ಈ ಚಲನದಿ ತಾಯಿಯ ಜೊತೆ ನಿನ್ನ ಮಿಲನ
ಉಹಿಸಿಕೊಳ್ಲುತ್ತಿರುವೆ

ಎತ್ತಿಕೊಳ್ಳಬಲ್ಲೆ ನಾ ನಿನ್ನ ಸ್ವಲ್ಪ ತಡವಾಗಿ
ನೀನಿನ್ನೂ ಹೊರಳುತಿರುವೆ ಒಳಗೆ ಬಲವಾಗಿ
ನಿನ್ನ ಆಗಮನದ ಸ್ವಾಗತಕೆ ಕಾಯುತಿರುವೆ
ಬೇಗನೆ ಧರೆಗಿಳಿದು ಕಾತರಕ್ಕೆ ಕೊನೆಯಿಡು ಎಂದು ಹಂಬಲಿಸುತಿರುವೆ